منتدى رساله الفيوم ☻ اللهم أستخدمنا ولا تستبدلنا ☻

أهلاً بكم فى منتدى رساله الفيوم
.. يرجى التسجيل لتتمكن من الأشتراك فى المواضيع..ويرجى بعد الأشتراك تنشيط الأكونت الخاص بك عن طريق فتح الرساله المرسله الى ايميلك

جمعية رسالة مفيش زيها
في الخير والعطاء محدش قدها
مهما بعدنا عنها لازم نرجعلها
والمتطوعين اجمد ما فيها كلها
رسالة الفيوم دلوقتي وقتها

جمعية رسالة للأعمال الخيرية فرع الفيوم المشهرة برقم 607 بمدرية الشئون الاجتماعية

الله..... الوطن.... رساله

    مميزات الشعب المصري

    شاطر
    avatar
    دكتور حزين
    Admin

    عدد المساهمات : 130
    نقاط : 277
    تاريخ التسجيل : 04/07/2010

    مميزات الشعب المصري

    مُساهمة من طرف دكتور حزين في الجمعة يوليو 09, 2010 10:20 pm

    تعالوا نشوف موضوع المميزات


    المصري هو اللّي


    بيفهم في الطب ويشخص المرض ويوصفلك الدوا وبيفهم في النقاشة والكهربا
    وتصليح العربيات والطبيخ والسياسة والكورة وهو أبيض ياورد


    بيحط الريموت كونترول في كيس بلاستيك كعادة فرعونية


    يقف يتكلم على الباب نص ساعة بعد إنتهاء الزيارة والسلام


    لمّا تفتح نملية المطبخ هتلاقي عنده عشرين برطمان بتاع مربى فاضي
    بقالهم سنين ومازال مُصِر على جمع المزيد


    ييجي بعد معاده بساعتين ويفتكر إن ده عادي


    لسه عنده إصرار إنه يتكلم بصوت عالي في التليفون لما تكون المكالمة
    دولية عشان التاني يسمعه


    بيعتبر نفسه أفضل واحد في الشرا والفصال وبعد كده يكتشف إن الحاجة في
    المحل اللي جنبه أرخص من غير فصال


    بيحتفظ بأكياس محلات اللبس والأحذية وورق الهدايا تحت مرتبة السرير
    لسنوات ومابيستخدمهاش


    عنده صينية مكسرات متقسمة لتلات او أربع أقسام لزوم المزاج وعمره
    ماإستخدمها


    ممكن يعدي التلاتين ولسه عايش مع أمه وأبوه وماعندهومش مشكلة


    بيشتري قبل الفطار في رمضان مواد إستهلاكية أصلا موجود عنده في البيت
    لسه ماستخدمهاش


    بيكون عنده شواية لزوم الرحلات أقصى استخدام لها كان مرة واحدة في
    العيد


    بيشيل طابع البريد من على الظرف لو الختم ماكانش علي
    بيفتكر إن أي حد بيشتغل في الخليج بيغرف فلوس من غير حساب


    بيكون مشغول بقيمة التيبس أو البقشيش طول العشا ياترى ربع جنيه ولا نص
    جنيه


    برده بيتخانق ساعة دفع الحساب بحرارة شديدة على إنه هو اللي لازم يدفع ومبيدفعش


    بيفرش ملاية سرير على طقم الأنتريه عشان يفضل نضيف لما ييجي ضيوف
    ومابيشيلهاش لما ييجوا


    والأهم إنه اللي بيحب يسخر من نفسه ومن بلده وحكامه بس مايطيقش حد
    تاني يسخر منهم ، وساعتها بيفرش له الملاية
    avatar
    sarah ibrahim

    عدد المساهمات : 88
    نقاط : 115
    تاريخ التسجيل : 05/07/2010
    العمر : 24

    رد: مميزات الشعب المصري

    مُساهمة من طرف sarah ibrahim في الإثنين يوليو 12, 2010 8:05 am

    [i][b]هههههههههههههههههههههههههههههههههه
    موضوع جاااااااااااامد جدااااااا يا دوك
    بجد هي دي مصر
    (مصريه وافتخر)
    ههههههههههههههههههههههههههههههههههههههه
    avatar
    baby

    عدد المساهمات : 40
    نقاط : 48
    تاريخ التسجيل : 05/07/2010
    العمر : 30

    رد: مميزات الشعب المصري

    مُساهمة من طرف baby في الخميس يوليو 15, 2010 4:10 am

    ههههههههههههههه
    موضوع عسووووول بجد
    و انا برضه مصريه و افتخر جداااااااااااا
    ههههههههههه
    شكراااااااااااااااا لك
    avatar
    دكتور حزين
    Admin

    عدد المساهمات : 130
    نقاط : 277
    تاريخ التسجيل : 04/07/2010

    رد: مميزات الشعب المصري

    مُساهمة من طرف دكتور حزين في الخميس يوليو 15, 2010 4:16 am

    شكرا علي مرروك الكريم

      الوقت/التاريخ الآن هو الأربعاء سبتمبر 19, 2018 9:34 pm