منتدى رساله الفيوم ☻ اللهم أستخدمنا ولا تستبدلنا ☻

أهلاً بكم فى منتدى رساله الفيوم
.. يرجى التسجيل لتتمكن من الأشتراك فى المواضيع..ويرجى بعد الأشتراك تنشيط الأكونت الخاص بك عن طريق فتح الرساله المرسله الى ايميلك

جمعية رسالة مفيش زيها
في الخير والعطاء محدش قدها
مهما بعدنا عنها لازم نرجعلها
والمتطوعين اجمد ما فيها كلها
رسالة الفيوم دلوقتي وقتها

جمعية رسالة للأعمال الخيرية فرع الفيوم المشهرة برقم 607 بمدرية الشئون الاجتماعية

الله..... الوطن.... رساله

    اسمي عروبه..

    شاطر
    avatar
    دكتور حزين
    Admin

    عدد المساهمات : 130
    نقاط : 277
    تاريخ التسجيل : 04/07/2010

    اسمي عروبه..

    مُساهمة من طرف دكتور حزين في الأحد يوليو 25, 2010 2:21 pm


    رديت على تليفوني لما سمعت انه بيرن
    كان صوت بنت
    صوت بيخلّي القلب يحن

    قلت الوو
    قالت أيوة
    قلت ازيك
    قالت حلوة

    قلت انا ممكن اعرف يعني ايه الجنسية
    قالت فكّر
    قلت شامية
    او مصرية
    فالغالب انتي خليجية
    قالت طيب
    جنسيتي انسانه عربية

    قلت فبالي ومالو كويس ... ممكن تطلع بنت الريس
    وتشغلني فجهة أمنية

    قلتلها وايه المطلوب
    قالت محتاجه محبوب

    بس بشرط
    يبقا مثقف
    قمت فرحت
    قلتلها انا كاتب ومؤلف

    قالت ألّف
    إكتب عن احساس بيخوّف

    لما تكون جوا بلادك وبتتغرّب
    لما الشمس تكون أدامك وبتبعد مش عايزة تقرّب
    لما تحب تكون موجود بس بتهرب

    عارف ليه ؟!
    حاسس إن وجودك عالهامش ومجرّد إسم
    مع إنّك موجود فالقلب ومرسوم رسم

    تقصدي ايه بس استنّي
    قالت عمرك ما هتفهمني
    قلتلها انا فعلا مستغرب

    جوا بلادي ليه هتغرّب
    ولو قدّام الشمس هقرّب
    ولما اكون موجود فالقلب عمري ما ههرب

    ردّي عليا اسمك ايه
    قالت فكّر
    هما حروف خمسة مش اكتر

    قلت غريبة !!
    انتي مريبة
    انا فعلا مش قادر افكّر

    قالت شيء جواك وناسيه
    بس فبالك !! أحيانا بتفكّر فيه

    قلت ازاي ؟

    قالت اهدى
    ركّز واهدى
    هتلاقي تفكيرك جاي

    هبدأ تاني

    لما تخاف على اخوك العربي مهما تكون الجنسية
    لما تحط اديك فاديه علشان تكبر وتعليه
    ايه معناه .. رد عليّا

    قلت بيجري فدمّي محبّة وبيجري فدمّي الاخلاص
    قالت كدا فاضل ليك حبّة وتبقا عرفت الاسم خلاص

    قلت فبالي

    فقلوبنا ولكن مشطوبة
    وبعيده لكن محبوبة
    جنسيتها قالت عربيّة

    قلت انا كدا قرّبت أوصلك
    بس سؤال
    قالت اتفضل
    قلت انا عايز اعرف اسمك

    قامت ضحكت
    قالت عارفة ان انا منسيه
    بس هقولك
    وهكرر برده الجنسية

    انا عربية
    فقلوبكوا لكن مشطوبة
    وبعيده لكن محبوبة
    بدأت تصرخ قالت ليا بصوتها العالي

    اسمي عروبة
    اسمي عروبة




    قمت على صرختها بقول
    ايه الاسم
    ايه الاسم
    لكن فقت وانا مذهول
    أصله اتضح انه كان حلم
    اه كان حلم
    avatar
    baby

    عدد المساهمات : 40
    نقاط : 48
    تاريخ التسجيل : 05/07/2010
    العمر : 30

    رد: اسمي عروبه..

    مُساهمة من طرف baby في الإثنين يوليو 26, 2010 5:13 am

    حلم جمييييييييل و الله
    و على رايك هي فعلاااااااا منسيه جداااااااا
    هدانا الله اجمعين
    اللهم استخدمنا و لا تستبدلنا
    جزاك الله خيراااااااااا
    avatar
    sarah ibrahim

    عدد المساهمات : 88
    نقاط : 115
    تاريخ التسجيل : 05/07/2010
    العمر : 24

    رد: اسمي عروبه..

    مُساهمة من طرف sarah ibrahim في الإثنين يوليو 26, 2010 8:04 am

    [b][i]جااااااااااااااااااااااااااااااااااااامد جدا التوبيك دا
    فعلا منسيه
    بس بينا ها تكون حاضره وها تكون قويه
    ها تكون عظيمه وفق الكل قاعده ظاهره مش مستخبيبه
    بأدينا نخليها عظيمه وعصريه
    فا ايديكوا معانا يا رسلاويه
    (سوري ع الرخامه في كل توبيك ليك لازم ارخم)
    (ههههههههههه)


      الوقت/التاريخ الآن هو الأربعاء سبتمبر 19, 2018 9:10 pm