تعرف ايه عن القوافل

السلام عليكم ورحمة الله وبركاته

توبيك جديد ولكنه هايكون توبيك غير عادي ... لانه بيتكلم عن حاجة غير عادية ... بيتكلم عن القوافل الخارجية ... السؤال موجه لكل واحد شارك فيها ... فبقت حاجة اساسية في حياته ... ازاي كنت عايش بعيد عن الناس المحتاجين دول ... ازاي كنت بعيد عنهم ولا بسأل عليهم ولا اعرف حاجة عنهم ... ازاي ماكنتش اعرف ان في ناس عايشة بالطريقة دي ... ازاي ماكنتش حاسس ان اد ايه انا في نعمة كبيرة من عند ربنا محتاجة مني اني اشكره واسجدله ليل نهار ... ازاي القوافل غيرتني ... ازاي حسيت بأحاسيس ماحستهاش قبل كده ... ازاي نظرتي للحياة اتغيريت ... ونرجع ونقول : يعني ايه قوافل خارجية ؟ ونرجع ونقول برضه السؤال ده مش احنا اللي هانجاوبه بس لأ ، لازم كل واحد داق حلاوة القوافل وحس احساسها يدخل ويسترجع افكاره وذكرياته .... ونعيش شوية ، معاكي يا قوافل

وخليك فاكر ، الكلمة اللي انت هاتقولها او الاحساس الصادق اللي انت هاتوصفه ، ممكن لو كنت مخلص فيه اوي ، يكون سبب في ان واحد داخل اول مرة الجروب يقراه فايلاقي الحاجة اللي كان بيدور عليها فيحلف ما هو سايب ولا قافلة تانية الا لما يطلعها ، فيبقى ده كله في ميزان حسنتاك
وان أحدكم ليتكلم بالكلمة من رضوان الله ما يظن أن تبلغ ما بلغت فيكتب الله له بها رضوانه إلى يوم يلقاه ، كما ورد في الحديث الصحيح